वाचकसंख्या २ लाखाचा आकडा पार :-) धन्यवाद!

धन्यवाद मंडळी,
आज माझ्या अनुदिनीच्या वाचक संख्येने २ लाखाचा आकडा पार केली..त्याबद्दल तुम्हा सर्वांचे मनापासून आभार! :-)

मी जे जे स्वत: करून पाहिलेले आहे,वाचलेले आहे,अनुभवलेले आहे, ते ते सर्व मी या अनुदिनीच्या माध्यमातून तुमच्या सोबत वाटून घ्यायचा कायम प्रयत्न केला आहे.

जाणून बुजून राजकिय,सामाजिक,जातीय तेढ,तणाव निर्माण करेल असे लिखाण करणे टाळत आलो आहे (असे लिखाण करणे सर्वात सोप्पे असते आणि माझ्या शब्दांना लाभलेली धार मी जाणून आहे म्हणून मी ते टाळतो.)मराठी मध्ये अधिकाधिक चांगल्या अनुदिन्या निर्माण व्हाव्या म्हणून ब्लॉगिंगचे तंत्र -मंत्र विभागाची निर्मिती झाली आणि स्वत: केलेल्या चुका इतरांकडून होवू नये

या साठी लिखाण करण्याची काळजी घेतली गेली.माझ्या कविता,चारोळ्या,मी लिहिलेल्या लघुकथा,लेख इत्यादी सुद्ध्या या माध्यमातून मी तुमच्या पर्यंत पोहोचवले.

फेसबुकचे तंत्र-मंत्र,जीमेलचे तंत्रमंत्र,इंटरनेट आणि नेटवर्क सिक्युरिटी,वर्डप्रेस असे विभाग हळू हळू या लिखाणातून निर्माण झाले.याच  छंदातून शिकता शिकता

आणि मराठी भाषेच्या प्रेमातून www.marathifanbook.com या मराठी माणसाच्या मराठी फेसबुकची निर्मिती करणे मला शक्य झाले.दीड वर्ष मी या साईटच्या निर्मितीसाठी ओपन सोर्स सॉफ्टवेअर आणि स्वत:चे डोके वापरून फेसबुक सारखी साईट तयार करू शकलो याला सुद्धा हा ब्लॉगिंगचा छंद कारणीभूत ठरला.

इथे लिहिलेला प्रत्येक शब्द,अनुभव माझा आहे,आणि मी तो तुमच्या सोबत वाटून घेतालेला आहे आणि हेच कारण आहे की या साईटचे नाव प्रशांत रेडकर सोबत.इन असे आहे. :-)..याच ब्लॉगिंगचा छंदामुळे बुकगंगा तर्फे आयोजित करण्यात आलेल्या विश्वसाहित्य संमेलनात मला "आवडता ब्लॉगर " म्हणून सर्वाधिक पसंती आणि पहिले पारितोषिक मिळाले त्या बद्दल सुद्धा तुम्हा सर्वांचे मनापासून आभार.

मराठी शब्द,मराठी बातम्या,मराठी ब्लॉगविश्व असे विभाग मराठी वरील प्रेमातून निर्माण होत गेले.त्यात विरंगुळा म्हणून मराठी विनोद, मराठी सुविचारांची भर पडली.
इंटरनेट,मोबाईल,संगणक वापरताना मला आलेल्या अडचणीतून इंटरनेट,मोबाईल टिप्स ट्रिक्स,संगणकाचे तंत्र-मंत्र,उपयुक्त सॉफ्टवेअर असे विभाग बनत गेले.जसजसे माझे अनुभव वाढत जातील तसतसे विभाग सुद्धा वाढत जातीलच :-)

मराठी मध्ये गाणी,म्हणी इत्यादी विषयांवर लिहीलेले ब्लॉग अनेक आहेत पण जर आणखी नवीन विषयावर ब्लॉग निर्माण होणार असतील तर अश्या नवख्या ब्लॉगर्सना मी मदत करायला नेहमीच तयार आहे. :-)
धन्यवाद,
तुमचा मित्र,
प्रशांत दा. रेडकर

फेसबुकवर शेअर करा ट्विटरवर शेअर करा गुगलप्लसवर शेअर करा

About प्रशांत दा.रेडकर

नमस्कार,

मी प्रशांत दामोदर रेडकर.मी इलेक्ट्रॉनिक इंजिनिअर आहे.

1)मनात माझ्या २)स्पर्श नवा ही माझी दोन चारोळ्यांची पुस्तक प्रकाशित झालेली आहेत.

**तुमच्या सर्वांच्या प्रेमामुळे बुकगंगा विश्वसाहित्य संमेलन २०१२ मध्ये मला आवडता ब्लॉगर हा पुरकार मिळालेला आहे.**ABP माझाच्या "ब्लॉग माझा २०१५"च्या स्पर्धेमध्ये माझ्या या ब्लॉगला "दुस-या क्रमांकाचे" पारितोषिक मिळाले आहे.

**गायक सुबोध साठे यांनी त्याच्या "अजूनही कळेचना" या अल्बममध्ये मी लिहिलेले "तू गेलीस तेव्हा" हे गाणे गायलेले आहे.

कोडींग करणे हा माझा छंद आहे..त्याच छंदामुळे मी सध्या दोन मराठी सोशल नेट्वर्किंग साईटच्या निर्मिती मध्ये गुंतलो आहे.1)marathifanbook.com मराठी सोशल नेटवर्क 2)chivchivat.com मराठी सोशल नेटवर्क ३)marathimy.comमराठी विवाह संबंधित वेबसाईट

४)माझी मैत्रीण आणि गायिका सावनी रवींद्र हिची वेबसाईट आणि Android App सुद्धा मी डिजाईन केली आहे

savaniravindra.com वेबसाईटला अवश्य भेट द्या आणि app डाउनलोड करण्यासाठी हि लिंक वापरा com.savani.ravindra

धन्यवाद :-)